ساہیوال: بورڈ آف انٹرمیڈیٹ اینڈ سیکنڈری ایجوکیشن، ساہیوال کی جانب سے جاری کردہ سرکلر کے مطابق، طلبہ و طالبات کو امتحانی عمل میں کسی بھی غیر قانونی طریقے سے مدد فراہم کرنے یا کسی ناجائز ذریعے کا استعمال کرنے پر سخت کارروائی کی جائے گی۔
کنٹرولر امتحانات ڈاکٹر نوید عفت کے دستخط سے جاری ہونے والے اعلامیے میں کہا گیا ہے کہ تمام اسٹیک ہولڈرز، بشمول والدین، اساتذہ اور ادارے، اس بات کو یقینی بنائیں کہ طلبہ کو میرٹ اور محنت کی بنیاد پر امتحانات میں کامیابی حاصل کرنے کا موقع دیا جائے۔
اعلامیے کے مطابق، اگر کسی بھی طالبعلم یا امتحانی مرکز کو نقل یا کسی دوسرے غیر قانونی طریقے میں ملوث پایا گیا تو ان کے خلاف سخت قانونی کارروائی کی جائے گی۔ مزید برآں، ایسے طلبہ کے امتحانی نتائج روک دیے جائیں گے اور بورڈ کے قواعد کے مطابق سزا دی جائے گی۔
کنٹرولر امتحانات نے واضح کیا کہ امتحانی مراکز میں سخت مانیٹرنگ کے احکامات جاری کر دیے گئے ہیں تاکہ امتحانات کی شفافیت کو یقینی بنایا جا سکے۔